«Իրավաբան Ռոբերտ Ամստերդամի մուտքը ՀՀ արգելելու պատճառը Սամվել Կարապետյանի գործն է»․ ԶԼՄ

Օգոստոսի 11-ին Հայաստան պետք է ժամաներ մարդու իրավուքների միջազգային պաշտպան Ռոբերտ Ամստերդամը։ Մամուլում շրջանառվող տեղեկության համաձայն՝ իշխանությունները որոշում են կայացրել երկիր չթողնել նրան։

«Նոր տեղեկություններ են ի հայտ գալիս իրավաբանին Հայաստան չթողնելու վերաբերյալ, ըստ որոնց՝ իշխանության այդ կապրիզի պատճառը Սամվել Կարապետյանի գործն է։ Ռոբերտ Ամստերդամը Հայաստան է գալիս Սամվել Կարապետյանի նկատմամբ քրեական հետապնդման գործով,- գրում է «168Ժամը»,- Իշխանությունը, մեր տեղեկություններով, այս քայլով փորձում է առանց այն էլ անհիմն մեղադրանքով հարուցված գործի պատճառով նոր գլխացավանքի մեջ չընկնել, առանց այն էլ Կարապետյանի փաստաբանական թիմը մշտապես ապացուցում է քրգործի փուչ լինելը»։
Նշենք, որ Ռոբերտ Ամստերդամը աշխարհում հայտնի է որպես սկանդալային գործիչ, որը հանդես է եկել տարբեր երկրներում բավականին հայտնի հանրային, քաղաքական գործիչների պաշտպանությամբ։