Իրանի կառավարությունը հաստատել է ազգային արժույթի թղթադրամներից չորս զրո հանելու մասին օրինագիծը

Իրանի կառավարությունը կիրակի օրը կայացած նիստում հաստատել է ազգային արժույթի թղթադրամներից չորս զրո հանելու մասին օրինագիծը:
Հուլիսի վերջին Իրանի խորհրդարանի տնտեսական հարցերի հանձնաժողովի փոխնախագահ Ջաֆար Քադերին հայտարարել էր, որ հանձնաժողովը հաստատել է իրանական ռիալ թղթադրամներից չորս զրո հանելու մասին օրինագիծը։

2024 թվականի դեկտեմբերին իրանական լրատվամիջոցները հայտնել են, որ Իրանի նախագահ Մասուդ Փեզեշքկիանը երկրի խորհրդարան է ներկայացրել ֆինանսական բարեփոխումների մասին օրինագիծ։ Դրա համաձայն՝ ազգային արժույթը՝ «իրանական ռիալը», պետք է փոխարինվի «իրանական թումանով»՝ թղթադրամներից չորս լրացուցիչ զրո հանելով։ Օրինակ՝ 100,000 ռիալ թղթադրամը պետք է դառնա 10 թուման թղթադրամ։