«Կապիտուլյացիայի ամոթալի բացիկը հաղթանակով է ծրարում»․ Նարինե Մկրտչյան

Մամուլի ազգային ակումբի նախագահ Նարինե Մկրտչյանի ֆեյսբուքյան գրառումը․ «Նիկոլ Փաշինյանը, իր համոզմամբ, փորձում է անշրջելի դարձնել Ղարաբաղի հանձման գործընթացը։ Համաշխարհային պատմությունից նրա անտեղյակությունը թույլ չի տալիս հասկանալ, որ քաղաքականության մեջ, պատմաքաղաքական զարգացումներում անշրջելի ոչինչ չկա։ Ինչպես նաև՝ նրա տխրահռչակ և աղետաբեր իշխանությունն անշրջելի չէ։
Ինքնախաբեությունը պետական քաղաքականության մակարդակի հասցրած այս իշխանությունը համաշխարհային պատմության մեջ սակայն բացառիկ է․ բացառիկ է նրանով, որ նախ ռազմական պարտությունը վերածեց կապիտուլյացիայի, ապա կապիտուլյացիայի ամոթալի բացիկը հաղթանակով է ծրարում։
Այս ամենի հասցեատերերը մենք չենք բնավ, այլ Նիկոլն ինքնզինքը, իր թիմը և նրա բարեկամներ Ադրբեջանն ու Թուրքիան»։