«Տարածաշրջանում ղեկավարումը պետք է լինի կովկասյան»․ Փեզեշքիան

«ԻԻՀ-ի համար խաղաղությունը ռազմավարական առաջնահերթություն է ու մենք աջակցում ենք ՀՀ-ի ու Ադրբեջանի միիջև բանակցություններին։ Մենք միշտ պաշտպանել ենք ՀՀ տարածքային ամբողջականությունը։ Տարածաշրջանում ուժի ցանկացած կիրառմանը դեմ ենք: Տարածաշրջանում ղեկավարումը պետք է լինի կովկասյան։ Իրանի դիրքորոշումը եղել է սահմանների անփոփոխության մասին»,- ՀՀ վարչապետի հետ համատեղ ասուլիսի ժամանակ ասել է Մասուդ Փեզեշքիանը։ Նա անդրադարձել է ստորագրված փաստաթղթերին, կարևորել դրանց նշանակությունը։ «Հանդիպման ընթացքում մենք ընդգծել ենք սահմանների անվտանգության հարցը, զբոսաշրջության ոլորտի զարգացումը»,- նշել է Փեզեշքիանը: