WADA-ն պատժել է 280 ռուս մարզիկի

3546

Երկուշաբթի, 25 օգոստոսի, 2025 թ., 23:12

World Antidoping Agency (WADA)-ն պատժել է 280 ռուս մարզիկի՝ հիմնվելով Մոսկվայի հակադոպինգային լաբորատորիայի (LIMS) տվյալների բազայի և այնտեղից վերցված նմուշների վրա, հայտնել է WADA-ի մամուլի ծառայությունը։

Պատժված մարզիկների թիվը, ենթադրաբար, կաճի, ևս 29 դեպքի համար կարգապահական վարույթներ են հարուցվել։

Օգոստոսի 9-ին հայտնի դարձավ, որ երկու ռուս մարզիկներ կարողացել են ապացուցել, որ Համաշխարհային հակադոպինգային գործակալության (WADA) կողմից արգելված մելդոնիում դեղամիջոցն իրենց օրգանիզմ է մտել կաթի միջոցով։ Այս մասին հայտնել է Ռուսաստանի հակադոպինգային գործակալության (RUSADA) արդյունքների մշակման բաժնի ղեկավար Վալերիա Գերմանը։

«Մարզիկները կարողացել են ապացուցել, որ մեծ քանակությամբ կաթ են օգտագործել, որը, ամենայն հավանականությամբ, ստացվել է կովից, որին ներարկվել է մելդոնիում պարունակող անասնաբուժական դեղամիջոց»,- ասել է նա։