«Սպառազինությանը տրամադրվող ծախսերը կուղղվեն թոշակների բարձրացմանը»․ Գագիկ Մելքոնյան

Ինչպես հայտնի է, ՀՀ կառավարությունը չի պատրաստվում 2026 թվականին ավելացնել ռազմական բյուջեն։ Այս մասին օրեր առաջ ճեպազրույցում ասել էր ՀՀ վարչապետ Նիկոլ Փաշինյանը։
ՔՊ-ական պատգամավոր Գագիկ Մելքոնյանի համար այս որոշումն ընդունելի է, նրա խոսքով՝ այն ծախսերը, որ տրամադրվում էր սպառազինությանը, կուղղվի թոշակների բարձրացմանը և այլ խնդիրների լուծմանը․ «Պատերազմը միշտ մեզ հետ ա պահել, որպեսզի թոշակներ բարձրացնենք»,- 24TV-ի եթերում ասել է Մելքոնյանը՝ հավելելով, որ եթե ներկայիս չափով պահպանվի ռազմական բյուջեն, մեր անվտանգությունն ապահովված է։