«Ռուսաստանի և Չինաստանի հարաբերությունները աննախադեպ բարձր մակարդակի վրա են». Պուտին

ՌԴ նախագահ Վլադիմիր Պուտինը և ՉԺՀ նախագահ Սի Ծինփինը Պեկինում բանակցություններ են վարել ընդլայնված և նեղ կազմով։ Նրանք քննարկել են երկկողմ հարաբերությունները, համաշխարհային և տարածաշրջանային օրակարգի հարցեր։ Պուտինը շնորհակալություն է հայտնել Սի Ծինփինին՝ ջերմ ընդունելության համար և ասել, որ Ռուսաստանի և Չինաստանի միջև հարաբերությունները գտնվում են «աննախադեպ բարձր մակարդակի վրա»։ Չինաստանն իր հերթին պատրաստակամություն է հայտնել համագործակցել Ռուսաստանի հետ զարգացման, միջազգային արդարադատությանն աջակցելու հարցերում, ինչպես նաև «համաշխարհային կառավարման ավելի արդար և ռացիոնալ համակարգ ձևավորելու» համար: