«Ես շատ շուտով կխոսեմ Պուտինի հետ և հասկանամ, թե ինչ անենք». Թրամփ

ԱՄՆ-ի նախագահ Դոնալդ Թրամփը մտադիր է մոտ ապագայում քննարկել Ռուսաստանի և Ուկրաինայի վերաբերյալ հետագա քայլերն իր ռուս գործընկեր Վլադիմիր Պուտինի հետ։
Ամերիկացի առաջնորդն այս մասին ասել է՝ պատասխանելով լրագրողների հարցերին Սպիտակ տանը Լեհաստանի նախագահ Կարոլ Նավրոցկիի հետ հանդիպման սկզբում։

«Ես շատ շուտով կխոսեմ նրա (Պուտինի) հետ։ Եվ ընդհանուր առմամբ, կհասկանամ, թե ինչ անենք»,- ասել է Թրամփը։

Նրա խոսքով՝ նա մտադիր է խոսել Ռուսաստանի առաջնորդի հետ առաջիկա մի քանի օրերին։

«Եվ ես ճշգրիտ կիմանամ, թե ինչ է կատարվում», - հավելել է Թրամփը։