«Նիկոլ Փաշինյանի տարած ճամփեքով միշտ աղետի մեջ ենք հայտնվել»․ Լևոն Զուրաբյան

ՀԱԿ փոխնախագահ Լևոն Զուրաբյանն արձագանքել է վարչապետ Նիկոլ Փաշինյանի ֆեյսբուքյան գրառմանը, որտեղ ասված էր․ «Ճի՞շտ է ճանապարհը, թե սխալ՝ կախված է նրանից, թե ուր ես գնում»։
Լևոն Զուրաբյանը գրել է․ «Էս ծակ Կոնֆուցիոսին (Քրիստոսից հետո էլ հիմա արևլյան փիլիսոփաների փառքը հանգիստ չի թողնում) ո՞նց բացատրենք, որ լրիվ հակառակն է էդ կախումը: Սկզբից պարզում են ճիշտ ճանապարհը ո՞րն ա՝ նոր գնում, ոչ թե սխալ գնացած ճանապարհը ետին թվով «ճիշտ» հայտարարում:
Այս սրա համար էլ Նիկոլի տարած ճամփեքով միշտ աղետի մեջ ենք հայտնվել:
P. S. «Միայն սխալվելու մեր համարձակությունն է, որ ճշմարտության ետևից գնալու վճռականություն կտա ու Հայաստանին կբերի նորանոր հաղթանակներ: Միայն պարտվելու համարձակությունն է, որ մեզ կբերի հաղթանակի:» (Ասվել է Փաշինյանի կողմից 44-օրվա պատերազմից մեկ շաբաթ առաջ)»: