«Ժողովուրդն ավելի ճիշտ է գնահատում իրավիճակը, քան քաղաքական էլիտան»․ Գեղամ Նազարյան

«Գոնե մի անգամ փակ քննարկում արե՞լ ենք՝ հարցնելով մենք ինքներս մեզ, թե Ռուսաստան-Հայաստան հարաբերությունները էն մակարդակի՞ են ոնց որ Իսրայել-Ամերիկա հարաբերությունները, երկրորդ հարցը տվե՞լ ենք, թե արդյո՞ք Հայաստանի տնտեսությունը և ռազմական ուժը համարժեք է Ռուսաստանին կամ Թուրքիային, երրորդ՝ Արցախի և արևմուտքի հարաբերությունները նույնակա՞ն են, ոնց որ արևմուտք-Կոսովո հարաբերությունները»,- Հ1-ի եթերում ասաց ԱԺ պատգամավոր Գեղամ Նազարյանը՝ առաջարկելով քաղաքական էլիտային՝ ընտրություններից առաջ պատասխանել այս հարցերին։ «Բա եթե այս հարցերը չենք քննարկել, մենք ինչո՞վ ենք զբաղվել, թե՞ ասել ենք դա մեր ինչ գործն է մեր եղբայրները ոնց որոշեն»,-ասում է Նազարյանը՝ նշելով, որ հայ ժողովուրդն ավելի ճիշտ է գնահատում իրավիճակը, քան քաղաքական էլիտան։ «Ով մինչև ընտրություններ չհասկանա, որ աշխարհը փոխվել է, քաղաքական դաշտում անելիք չունի»։