«Սա քաղաքական կաշառք է»․ Թագուհի Թովմասյան

«Սա քաղաքական կաշառք է»,- այսպես մեկնաբանեց ԱԺ պատագամավոր Թագուհի Թովմասյանը այն լուրը, թե Սրբազանների քրեական գործերի դատախազները պաշտոնական առաջխաղացում են ունեցել։ «Ստացվում է, որ պաշտոնյային մոտիվացնում են առավել բարձր պաշտոնի միայն այն բանի համար, որ ինքը կատարում է Նիկոլ Փաշինյանի քաղաքական քմահաճույքները, իսկ որ սրբազանները նստած են Փաշինյանի քաղաքական քմահաճույքները բավարարելու համար, այդտեղ ուղղակի 2-րդ կարծիք չկա»,- ասաց Թովմասյանը։
«Մենք նաև տեսել ենք դժգոհություններ։ Քննչական կոմիտեի ղեկավարը հրապարակավ դժգոհում էր, որ մի շարք քննիչներ վատ են զգում այն հնարավոր թիրախավորումից, որ իրենք հանրային գործեր են սկսում վարել, այսինքն՝ քննիչները սկսել են հրաժարվել որոշ գործեր քննելուց, և դրա համար, ովքեր որ համաձայնվում են, ամեն կերպ նրանց պետք է մոտիվացնել, ամեն կերպ նրանց պետք է կաշառել՝ քաղաքական առումով, որպեսզի հնարավոր լինի առաջիկա նաև զարգացումներին ընդառաջ էլի գտնել պաշտոնյաներ, ովքեր որ քաղաքական հրահանգով քաղաքական գործեր կկարեն ընդդիմադիրների նկատմամբ»,- ասաց Թովմասյանը։