Սի Ծինփինն ու Կիմ Չեն Ընը բանակցություններ կանցկացնեն Պեկինում

Չինաստանի Ժողովրդական Հանրապետության նախագահ Սի Ծինփինը և Կորեայի Ժողովրդա-Դեմոկրատական ​​Հանրապետության առաջնորդ Կիմ Չեն Ընը բանակցություններ կանցկացնեն Պեկինում։ Այս մասին հայտարարել է Չինաստանի արտաքին գործերի նախարարության պաշտոնական ներկայացուցիչ Գո Ցզյակունը, հաղորդում է ՏԱՍՍ-ը։

Գո Ցզյակունը նշել է, որ Չինաստանը պատրաստ է ամրապնդել ռազմավարական համագործակցությունը Հյուսիսային Կորեայի հետ, ընդլայնել փոխանակումներն ու կապերը, խորացնել փորձի փոխանակումը պետական ​​կառավարման ոլորտում, ինչպես նաև աջակցել սոցիալիզմի և երկու երկրների միջև ավանդական բարեկամության ու համագործակցության հարաբերությունների հետագա զարգացմանը։