«Երկգլխանի արծիվը նայում է ոչ միայն արևմուտք և արևելք, այլ նաև հարավ»․ Պուտին

ՌԴ նախագահ Վլադիմիր Պուտինը Համաշխարհային տնտեսական ֆորումի լիագումար նիստում գնահատել է Ռուսաստանի դերը Հնդկաստանի և Չինաստանի հետ դաշինքում։ Պատասխանելով հաղորդավարի հարցին, թե արդյո՞ք սա «փղի, վիշապի և արջի նոր դաշինք» է, նա պատասխանել է․ «Արջը մնում է արջ։ Արջը Ռուսաստանի խորհրդանիշն է, բայց աշխարհի ամենամեծ վագրը նույնպես ռուսական է։ Մեր տնտեսությունները լրացնում են միմյանց, մենք ունենք ընդհանուր շահեր, ընդհանուր ավանդական արժեքներ», - ասել է Պուտինը։

Նա նաև պատասխանել է հաղորդավարի հարցին երկրի գլխավոր խորհրդանիշի՝ երկգլխանի արծվի մասին, որը սկսել է երկու գլուխներով նայել մեկ ուղղությամբ՝ դեպի Արևելք։ «Կա նաև հարավը։ Մեր փոխազդեցությունը, մեր փոխազդեցության ընդլայնումը և համատեղ աշխատանքը Ասիա-խաղաղօվկիանոսյան տարածաշրջանում, Համաշխարհային հարավում, կապված չէ ընդհանուր առմամբ ներկայիս քաղաքական իրավիճակի հետ», - նշել է Պուտինը։