«Բայդենը ծանր վիրահատության է ենթարկվել»․ #NBC

453

Ուրբաթ, 05 սեպտեմբերի, 2025 թ., 11:19

ԱՄՆ նախկին նախագահ Ջո Բայդենը ենթարկվել է մաշկի քաղցկեղի բջիջների հեռացման ևս մեկ վիրահատության: Այս մասին հայտնել է NBC News-ը։

Բայդենի ներկայացուցիչը հայտնել է, Բայդենը լավ է ապաքինվում վիրահատությունից հետո։

Վիրահատության ճշգրիտ ամսաթիվը չի հայտարարվում: Սակայն անցյալ ամիս հրապարակվել են նրա լուսանկարները, որոնցում երևում է գլխի վրա մեծ կար։

Հիշեցնենք՝ մայիսի 18-ին հայտնի դարձավ, որ Ջո Բայդենի մոտ ախտորոշվել է շագանակագեղձի քաղցկեղի ագրեսիվ ձև՝ մետաստազներով: ԱՄՆ գործող նախագահ Դոնալդ Թրամփը կասկածներ է հայտնել այս տեղեկատվության հրապարակման արդիականության վերաբերյալ, բայց միևնույն ժամանակ իր նախկին գործընկերոջը մաղթել է առողջություն: