«Թրամփն ու Սի Ծինփինը հնարավոր է հոկտեմբերին հանդիպեն». #CNN
![]() 133 Այսօր, 10:38 ԱՄՆ նախագահ Դոնալդ Թրամփը և Չինաստանի նախագահ Սի Ծինփինը հնարավոր է հանդիպեն Ասիա-խաղաղօվկիանոսյան տնտեսական համագործակցության (APEC) գագաթնաժողովի ժամանակ, որը տեղի կունենա Հարավային Կորեայում հոկտեմբերի 31-ից նոյեմբերի 1-ը, հաղորդում է CNN-ը՝ հղում անելով ԱՄՆ վարչակազմի երեք պաշտոնյաների։ Պաշտոնյաների խոսքով՝ ներկայումս լուրջ քննարկումներ են ընթանում երկկողմ հանդիպում անցկացնելու հնարավորության վերաբերյալ, սակայն դեռևս կոնկրետ ծրագրեր չկան։ Հեռուստաալիքը հիշեցրել է, որ Սի Ծինփինը Թրամփին և նրա կնոջը՝ Մելանիային, հրավիրել է ամռանը այցելել Չինաստան։ ԱՄՆ նախագահը ընդունել է հրավերը՝ խոստովանելով, որ այցը կկատարի «որոշ պահի»։ Թրամփի և Սի Ծինփինի հնարավոր հանդիպման մանրամասները դեռևս ճշտվում են։ ԱՄՆ պաշտոնյաների խոսքով՝ ԱՄՆ վարչակազմը սա նաև համարում է նախագահի համար հնարավորություն՝ ամերիկյան տնտեսությունում ավելի մեծ տնտեսական ներդրումներ կատարելու համար։ Այս գործոնը կարևոր դեր է խաղացել Թրամփի վերջին արտասահմանյան ուղևորությունների ժամանակ, այդ թվում՝ Սաուդյան Արաբիա, Կատար և Արաբական Միացյալ Էմիրություններ կատարած այցելությունների ժամանակ, նշում է CNN-ը։ «Քննարկվում է Հարավային Կորեա այցը՝ կենտրոնանալով տնտեսական համագործակցության վրա», - CNN-ին ասել է Սպիտակ տան պաշտոնյան։ Նա հավելել է, որ այլ նպատակներից են առևտրի, պաշտպանության և քաղաքացիական միջուկային համագործակցությունը։ |
«Անդադար պայքարով պետք է արցախցիների հարցը օրակարգում պահենք»․ Անաստաս Իսրայելյան
7514:00Սամվել Կարապետյանը հայցադիմում է ներկայացրել՝ զրպարտության հերքման պահանջով
11713:36«Հայաստանում կկայանա Ռուբեն Ռուբինյանի և Սերդար Քըլըչի հանդիպումը»․ ՀՀ ԱԳՆ
10313:18«ԱՄՆ-ն որևէ կերպ չի կարող երաշխավոր լինել այստեղ»․ «ՀայաՔվե»
13812:24«Կանցկացվեն ՀՀ-Թուրքիա սահմանի բացման վերաբերյալ առաջին բանակցությունները»․ #NTV
15812:08«Տղերք, որ ինձ տեսնում եք, ինչի՞ եք սառում ու արագ հեռանում»․ Ալեն Սիմոնյան
20211:54«Սամվել Կարապետյանի գործը նողկալի քաղաքական հետապնդում է»․ Սոս Հակոբյան
15611:20«Ճապոնիայի վարչապետը որոշել է հրաժարական տալ»․ #NHK
14811:02