Կիրակի, 19 հոկտեմբերի, 2025 թ.
|
Ստեփանակերտում`   +14 °C

Զանգվածային հարձակման հետևանքով Ուկրաինայում զոհվել է 4, վիրավորվել՝ ավելի քան 44 մարդ

Զանգվածային հարձակման հետևանքով Ուկրաինայում զոհվել է 4, վիրավորվել՝ ավելի քան 44 մարդ
514
Կիրակի, 07 սեպտեմբերի, 2025 թ., 16:26

Ուկրաինայի նախագահ Վլադիմիր Զելենսկին թելեգրամյան իր ալիքում գրել է․ «Այսօր զրուցեցի Էմանուել Մակրոնի հետ։ Քննարկեցինք գիշերը ռուսական կողմից իրականացված ծանր հրետակոծությունները։

Ցավոք, Ուկրաինայում զոհվել է չորս մարդ, վիրավորվել՝ ավելի քան 44-ը։ Մեր փրկարարներն ու արտակարգ ծառայությունները դեռևս զբաղվում են հարձակման հետևանքների վերացմամբ ամբողջ երկրում։

Մենք համակարգել ենք մեր դիվանագիտական ​​ջանքերը, հետագա գործողությունները և կապերը գործընկերների հետ՝ համապատասխան արձագանք ապահովելու համար։

Ֆրանսիայի հետ միասին մենք պատրաստում ենք նոր միջոցառումներ մեր պաշտպանությունն ամրապնդելու համար»։
Հիշեցնենք՝ ՌԴ ԶՈՒ կողմից զանգվածային հարձակման հետևանքով խոշոր հրդեհ է բռնկվել նաև Ուկրաինայի կառավարության շենքում։ ՌԴ-ն այս գիշեր ռեկորդային թվով ԱԹՍ-ներ ու հրթիռներ է արձակել Ուկրաինայի ուղղությամբ։