«Օգնեք մեզ փակել երկինքը․ խստացրեք ՌԴ-ի դեմ պատժամիջոցները»․ Սվիրիդենկո

Ուկրաինային վարչապետ Յուլյա Սվիրիդենկոն լուսանկար է հրապարակել՝ ցուցադրելով Ռուսաստանի կողմից զանգվածային հարձակման հետևանքով Կառավարության շենքում բռնկված հրդեհի հետևանքները։

«Ակնհայտ է, որ Ռուսաստանը խաղաղություն չի ուզում։ Ես կոչ եմ անում մեր գործընկերներին և աշխարհի բոլոր երկրներին Ռուսաստանի գործողություններից հիասթափությունը վերածել Ուկրաինայի համար արդյունավետ օգնության՝ ոչ թե կառավարության շենքի, այլ մեր ժողովրդի պաշտպանության համար ամբողջ երկրում», - գրել է նա։
Նա նշել է, որ փրկարարները շարունակում են աշխատել, 800 քառակուսի մետր տարածքի վրա բռնկված հրդեհը տեղայնացված է։

«Եվ ես կոչ ունեմ մեր գործընկերներին։ Օգնեք մեզ փակել երկինքը, եկեք խստացնենք Ռուսաստանի դեմ պատժամիջոցները և ստեղծենք մեր պետության համար երաշխիքների համակարգ, որը կստիպի թշնամուն կանգ առնել», - ասել է նա։