«Կան նշաններ, որ դա արվել է միտումնավոր». Կալլաս

«Լեհաստանում ականատես եղանք պատերազմի սկզբից ի վեր Ռուսաստանի կողմից Եվրոպայի օդային տարածքի ամենալուրջ խախտմանը, և կան նշաններ, որ դա միտումնավոր էր, այլ ոչ՝ պատահական»,- այս մասին նշել է ԵՄ դիվանագիտության ղեկավար Կայա Կալլասը:

Լեհաստանի վարչապետ Դոնալդ Տուսկը հայտնել էր, որ գիշերը խախտվել է երկրի օդային տարածքը:

Կալլասը շեշտել է, որ կապի մեջ է ՆԱՏՕ-ի գլխավոր քարտուղարի և Լեհաստանի իշխանությունների հետ, ինչպես նաև հայտարարել է, որ Բրյուսելը լիովին աջակցում է Վարշավային։