Թբիլիսիում ընթանում են բողոքի ցույցեր՝ ընդդեմ կառավարության

Թբիլիսիում ընդդիմադիր կուսակցությունների անդամները, նրանց կողմնակիցները և քաղաքացիական ակտիվիստները դուրս են եկել կառավարության դեմ հերթական հանրահավաքին։ Այս մասին հաղորդում է ՏԱՍՍ-ը։

Ցուցարարները սկզբում հավաքվել են Իվանե Ջավախիշվիլիի անվան Թբիլիսիի պետական ​​համալսարանի առաջին մասնաշենքի բակում՝ Ճավճավաձե պողոտայում, ապա երթով անցել են Մելիքիշվիլի պողոտայով։ Այնտեղ նրանք կանգ են առել Թբիլիսիի քաղաքապետ Կախա Կալաձեի ընտրական շտաբի մոտ։ Նա կրկին կառաջադրվի քաղաքապետի թեկնածու հոկտեմբերի 4-ին կայանալիք քաղաքային ընտրություններում։

Մելիքիշվիլի պողոտայից հետո ցուցարարներն իջել են Ռուսթավելի պողոտա և կանգ առել Վրաստանի խորհրդարանի շենքի մոտ։ Նրանք ձեռքերում պահում են Վրաստանի, ԵՄ-ի և ԱՄՆ-ի դրոշները։

Ցուցարարների հիմնական պահանջը դեռևս կառավարության հրաժարականն է։ Նրանք կարծում են, որ գործող իշխանությունները հեռացնում են հանրապետությունը ԵՄ-ից։