Ռուբիոն մեկնել է Իսրայել

ԱՄՆ պետքարտուղար Մարկո Ռուբիոն պաշտոնական այցով մեկնել է Իսրայել։ Մեկնելուց առաջ նա լրագրողներին ասել է, որ Սպիտակ տունը դժգոհ է Իսրայելի՝ Դոհային հասցրած հարվածներից։

Ռուբիոն հավելել է, որ ԱՄՆ-Իսրայել հարաբերությունները չեն փոխվի Քաթարին հարվածելուց հետո։ «Ինչ տեղի ունեցավ, տեղի ունեցավ։ Մենք կհանդիպենք նրանց հետ։ Մենք կխոսենք այն մասին, թե ինչ է սպասվում ապագայում», - ասել է նա (մեջբերում է Reuters-ը)։

ԱՄՆ պետքարտուղարը նաև հիշեցրել է, որ պաղեստինյան Համասի շարժման գերության մեջ են 48 իսրայելցի պատանդներ։ Ինչպես նշել է Ռուբիոն, նրանք «պետք է անհապաղ ազատ արձակվեն, բոլորը միանգամից»։ Նա նաև ասել է, որ Գազայի հատվածում պատերազմի ավարտից հետո ծանր աշխատանք է կատարվելու անկլավը վերականգնելու համար։