ԱՄՆ-ն բանակցություններ է վարել թալիբների հետ

337

Կիրակի, 14 սեպտեմբերի, 2025 թ., 10:07

ԱՄՆ-ն բանակցություններ է վարել «Թալիբան» շարժման հետ՝ ամերիկացի պատանդների ազատ արձակման վերաբերյալ, հաղորդում է «Ռոյթերս»-ը։ Հիշեցնենք՝ թալիբները Աֆղանստանում իշխանության գլուխ են 2021 թվականից։

Ամերիկյան կողմը ներկայացրել են նախագահի պատանդների ազատ արձակման հարցերով հատուկ դեսպանորդ Ադամ Բյոլերը և Աֆղանստանի հարցերով նախկին հատուկ դեսպանորդ Զալմայ Խալիլզադը։ Աֆղանական կողմը ներկայացրել է արտաքին գործերի նախարար Ամիր Խան Մութթաքին։

Աֆղանստանի արտաքին գործերի նախարարությունը հայտարարել է, որ երկու կողմերն էլ կշարունակեն բանակցությունները, «հատկապես միմյանց երկրներում պահվող քաղաքացիների վերաբերյալ»։ Սպիտակ տունը և ԱՄՆ Պետդեպարտամենտը դեռևս մեկնաբանություններ չեն արել։

«Ռոյթերս»-ի աղբյուրը հայտնել է, որ ԱՄՆ իշխանությունները հիասթափված են «Թալիբան»-ի կողմից մարդու իրավունքների վերաբերյալ պարտավորությունների կատարման դանդաղ տեմպից։