Չորեքշաբթի, 28 հունվարի, 2026 թ.
|
Ստեփանակերտում`   0 °C

«Թուրքական ընդդիմությունը քայքայվում է»․ Էրդողան

«Թուրքական ընդդիմությունը քայքայվում է»․ Էրդողան
538
Կիրակի, 14 սեպտեմբերի, 2025 թ., 13:56

Թուրքիայում ընդդիմությունն իրեն «հորձանուտի» մեջ է գցել և շարունակում է խճճվել դրանում՝ «պայքարելով տեղի համար»։ Այս մասին հայտարարել է Ռեջեփ Թայիփ Էրդողանը։ Նրա խոսքերը մեջբերում է ՌԻԱ Նովոստին։

«Ճշմարտությունն ասելու համար, այս ընդդիմությունը գտնվում է քայքայման վիճակում։ Նրանք շարունակում են խճճվել այն հորձանուտում, որի մեջ իրենք են իրենց գցել։ Պայքար, քաոս, ճգնաժամ», - ասել է Էրդողանը՝ ընդգծելով, որ ընդդիմության ներկայացուցիչները գրեթե միաձուլվել են ճգնաժամի հետ։

Էրդողանը նաև ասել է, որ երկրի իշխանությունները թույլ չեն տա «փողոցները ցնցել»։ Այսպես է նա մեկնաբանել Ստամբուլում ընդդիմության և ոստիկանության միջև բախումները։

Սեպտեմբերի 8-ին հաղորդվել է Թուրքիայում զանգվածային հանրահավաքների մասին, որոնց ընթացքում բախումներ են տեղի ունեցել ընդդիմության և կառավարության ներկայացուցիչների միջև։