«Եթե ժամանակին այդ ճանապարհը բացեինք, այսօր Ղարաբաղն իր տեղում կլիներ»․ Սամվել Բաբայան

«Ժամանակին բանակցեինք, այդ ճանապարհը բացեինք, կառուցեինք, այսօր Ղարաբաղն իր տեղում կլիներ»,- «Ֆակտոր»-ի եթերում ասել է Արցախի պաշտպանության բանակի նախկին հրամանատար Սամվել Բաբայանը։ «Որ պիտի բացվեն ճանապարհները, կառուցվեն նորերը, ես դրա մասին ասել եմ 5 տարի անընդմեջ, և նույն Փաշինյանն ասել է, որ մենք Մեղրիով տրանսպորտային ճանապարհ չենք տալու, լինելու է միայն երկաթուղի։ Ես էլ, եթե մոռացել եք, կարող եմ հիշեցնել, ասել եմ, որ դուք չեք որոշելու, ձեր ականջներից քաշ տալով տանելու եք, էդ ճանապարհը բացելու եք։ Ժամանակին բանակցեինք, այդ ճանապարհը բացեինք, կառուցեինք, այսօր Ղարաբաղն իր տեղում կլիներ, դուք չհամաձայնեցիք դրան, ասացիք՝ ոչ, մենք ճանապարհ չենք տալու, չի լինելու այդ ճանապարհը: Պարզվեց, որ ճանապարհը կա»,- ասել է Սամվել Բաբայանը։