ԵՄ երկրները կքննարկեն Իսրայելի դեմ պատժամիջոցներ կիրառելու առաջարկը

ԵՄ երկրների արտաքին գործերի նախարարները հինգշաբթի օրը կքննարկեն Իսրայելի նկատմամբ պատժամիջոցներ կիրառելու Եվրահանձնաժողովի առաջարկը: Այս մասին հայտարարել է Եվրոպական խորհրդի նախագահ Անտոնիո Կոստան՝ Լյուքսեմբուրգի վարչապետ Լյուկ Ֆրիդենի հետ համատեղ մամուլի ասուլիսում։

Ավելի վաղ՝ չորեքշաբթի օրը, ԵՄ դիվանագիտության ղեկավար Կայա Կալլասը հայտարարել էր, որ Եվրահանձնաժողովի անդամները աջակցում են Իսրայելի դեմ ուղղված միջոցառումների փաթեթին, որն առաջարկել էր Եվրահանձնաժողովի նախագահ Ուրսուլա ֆոն դեր Լեյենը, այդ թվում՝ մի քանի առևտրային համաձայնագրերի կասեցմանը։