«Տեսնում ենք ՀՀ իշխանության լռությունը՝ ադրբեջանական նվերների դիմաց»․ Արամայիս Աղաբեկյան

«Այսօր ՀՀ իշխանության կողմից ամեն ինչ արվում է մերժման քաղաքականությունը տեղ հասցնելու համար, առնվազն այն փաստը, որ այսօր սեպտեմբերի 19-ն է, և մենք որևէ իշխանական պաշտոնյա չենք տեսնում Եռաբլուրում, արդեն ամեն ինչ ասում է»,- ասել է Եռաբլուր այցելած Արցախի ԱԺ պատգամավոր Արամայիս Աղաբեկյանը։ «Հայ ժողովրդի մի հատվածը, իր մի կտորը տեղահանության, էթնիկ զտման է ենթարկվել, և այդ օրվա կապակցությամբ կա ընդամենը մեկ քաղաքական գնահատական, դա Գևորգ Պապոյանի գնահատականն է, որ, ըստ իրենց, սեպտեմբերի 19-ը ՀՀ անկախության օրն է։ Այսինքն, այս մարդիկ գնում են այն ճանապարհով, որ մերժելով իրականությունը՝ կարող են ստանալ որոշակի քաղաքական դիվիդենտներ՝ վերարտադրելու համար և իրացնում են։ Համոզված եմ, որ ընտրական պրոցեսներից առաջ ադրբեջանական իշխանությունն իր համար ընդունելի ՀՀ ներկայիս իշխանության համար որոշակի նվերներ էլ ունի նախատեսած, և այդ նվերների դիմաց հիմա մենք տեսում ենք այս լռությունը, այս փաստացի, եթե չասենք՝ թշնամական, առնվազն՝ ոչ հայկական քաղաքական գնահատականը և ընկալումը իշխանության կողմից»,- ասել է Արամայիս Աղաբեկյանը։