«Պուտինը հիասթափեցրել է ինձ». Թրամփ

Մեծ Բրիտանիայի վարչապետ Քեյր Սթարմերի հետ մամուլի ասուլիսում ԱՄՆ նախագահ Դոնալդ Թրամփը հայտարարել է, որ Ռդ նախագահ Վլադիմիր Պուտինը հիասթափեցրել է իրեն։

Թրամփը կրկին հայտարարել է, որ Սպիտակ տուն վերադառնալուց հետո իրեն հաջողվել է լուծել «յոթ պատերազմ»։ Այնուամենայնիվ, նա նշել է, որ Ուկրաինայի հակամարտությունը, որը նա կարծում էր, որ ամենահեշտը կլուծվի Պուտինի հետ իր հարաբերությունների շնորհիվ, ավելի դժվար է եղել։

«Նա իսկապես հիասթափեցրեց ինձ... կտեսնենք, թե ինչպես կզարգանան իրադարձությունները», - ասել է Թրամփը՝

այնուամենայնիվ վստահություն հայտնելով, որ ի վերջո կհաջողի ու կվերջացնի Ուկրաինայի հակամարտությունը։

Սթարմերն իր հերթին կոչ է արել ուժեղացնել ճնշումը Ռուսաստանի նախագահի վրա։ «Միայն այն ժամանակ, երբ Թրամփը ճնշում է գործադրում Պուտինի վրա, նա իրականում ցուցաբերում է որևէ քայլ կարգավորման ուղղությամբ», - համոզված է վարչապետը։ «Հետևաբար, մենք պետք է մեծացնենք ճնշումը», - կարծում է նա։