ՄԱԿ-ում ապացույցներ են ներկայացվել՝ ինչպես են ռուսական կործանիչները խախտել Էստոնիայի օդային տարածքը

ՄԱԿ-ի ԱԽ նիստի ժամանակ Էստոնիայի արտաքին գործերի նախարարն ապացույցներ է ներկայացրել՝ ինչպես են ռուսական կործանիչները խախտել երկրի օդային տարածքը (ավելի վաղ Մոսկվան հայտնել էր, որ ապացույցներ գոյություն չունեն)․ փոխանցում է Европейская правда-ն։ «Խախտումն ակնհայտ է, և Ռուսաստանը կրկին ստում է, ինչպես նախկինում»,- ասել է էստոնացի պաշտոնյան։

Լեհաստանի արտաքին գործերի նախարարն իր հերթին զգուշացրել է Ռուսաստանին՝ զերծ մնալ ՆԱՏՕ-ի երկրների դեմ հետագա սադրանքներից․ «Եթե մեկ այլ հրթիռ կամ օբյեկտ, դիտավորյալ կամ պատահաբար, հայտնվի մեր օդային տարածքում և խոցվի, չբողոքեք»,- նշել է նա։