«Շարունակելու ենք բացահայտել Սամվել Կարապետյանի և ՀԱԵ դեմ ուղղված զրպարտիչ գործողությունները»․ Ռոբերտ Ամստերդամ

Ամերիկացի փաստաբան Ռոբերտ Ամստերդամի նորաբաց հայալեզու ֆեյսբուքյան էջում տեսանյութ է հրապարակվել՝ կից գրառմամբ․ «Մենք մի շարք հանդիպումներ ենք ունենում ԱՄՆ ընտրված պաշտոնյաների և Վաշինգթոնում գործող հայկական սփյուռքի ներկայացուցիչների հետ։
Յուրաքանչյուր մայրաքաղաքում, որտեղ էլ կայցելենք, շարունակելու ենք բացահայտել այն զրպարտիչ գործողությունները, որոնք ուղղված են Սամվել Կարապետյանի և Հայ Առաքելական Եկեղեցու դեմ։
✦ Հայաստանի կառավարությունը բանտարկել է պարոն Կարապետյանին՝ Հայաստանի ամենահարգված գործարարներից մեկին անհեթեթ և քաղաքական դրդապատճառներով առաջադրված մեղադրանքներով։
✦ Իշխանությունները վարկաբեկում են Հայ Առաքելական Եկեղեցին՝ հարձակվելով հայ ժողովրդի հավատի և ազգային ինքնության հիմնարար սյուների վրա»։