Չարլզ III-ն ասպետի կոչում է շնորհել Դեյվիդ Բեքհեմին

18474

Երեքշաբթի, 04 նոյեմբերի, 2025 թ., 20:43

Անգլիայի հավաքականի նախկին ավագ Դեյվիդ Բեքհեմը ասպետի կոչում է ստացել բրիտանական հասարակությանը և ֆուտբոլին մատուցած ծառայությունների համար, հաղորդում է BBC-ն։

Արարողությունը տեղի է ունեցել երեքշաբթի օրը Վինձորի ամրոցում, որտեղ Չարլզ III թագավորը շնորհել է տիտղոսը։

«Ես անչափ հպարտ եմ։ Մարդիկ գիտեն, որ ես հայրենասեր եմ, ես սիրում եմ իմ երկիրը»,- ասել է Բեքհեմը՝ շեշտելով նաև իր հպարտությունը բրիտանական միապետությամբ:

Դեյվիդ Բեքհեմի անունը ներառվել է Չարլզ III թագավորի ծննդյան օրվա կապակցությամբ պարգևատրվածների ցանկում։