«Եթե ինքնուրույն պաշտոնյա էիր, ինչու պատասխանատվության չենթարկեցիր բռնություն կիրառող ոստիկաններին»․ Րաֆֆի Ասլանյան

Փաստաբան Րաֆֆի Ասլանյանի ֆեյսբուքյան գրառումը․ «Հաջորդ անգամ, երբ իրեն ընդդիմադիր համարող լրատվամիջոցը նախկին գլխավոր դատախազ Արթուր Դավթյանին տաղավար կհրավիրի, թող բարդ հարցերի փոխարեն ընդամենը հարցնեն՝ եթե այդքան արդար ու ինքնուրույն պաշտոնյա էիր, ապա ինչու քրեական պատասխանատվության չենթարկեցիր հետպատերազմական՝ 2021-2022 թվականների հակաիշխանական ցույցերի մասնակիցների նկատմամբ բացահայտ բռնություն կիրառող ոստիկաններին և հակառակը՝ ապօրինի քրեական հետապնդման ենթարկեցիր ցուցարարներին՝ հանուն իշխանության։ Օրինակ՝ նորահայտ այդ «ընդդիմադիրը» հանցագործ այս ոստիկանին ո՞ւր տեղավորեց, որը եզակի չէ, կան հարյուրավոր նման կադրեր»։
Հ.Գ. Մեկ կադր էլ տեղադրում եմ մեկնաբանություններում, երբ ոստիկանին՝ ցուցարար ծեծելու համար քրեական հետապնդման ենթարկելու փոխարեն դրա դիմաց պաշտոնի բարձրացում են տվել»։