«Լեգենդն իմ ամուսինն է». Աննա Հակոբյան

Վարչապետ Նիկոլ Փաշինյանի կինը՝ Աննա Հակոբյանը, ֆեյսբուքյան իր էջում գրել է. «Վազգենի ու Նարեկի համար լեգենդը Սերժ Սարգյսանն է (ֆբ-ն ողողված է նրանց ու իրենց լեգենդի երեկոյան ժամանցով, Լևոնի ու Ավետիսի համար լեգենդը Լևոն Տեր-Պետրոսյանն է։ Անկեղծ՝ չեմ հետևում Սերժին, Ռոբերտին ու նրանց թիմերին, դրա համար չեմ կարող անուններով ասել, բայց վստահ եմ՝ ինչ-որ երկու հոգու համար էլ լեգենդը Ռոբերտ Քոչարյանն է։ Դե իսկ Ա-ի ու Ա-ի համար, լեգենդը իմ ամուսինն է։
Թե ես ինչ եմ մտածում իմ ամուսնու մասին, գիտեն շատ շատերը, ում հետ մասնավոր զրույցներում վերջին տարիներին արդեն առանց վարանելու բարձրաձայնում եմ դա։ Ավելի վաղ վարանում էի, որովհետև տեսանելի ապացույցներ չունեի, և եթե նման բան ասեի, մարդիկ ինձ լուրջ չէին վերաբերվի։ Հիմա չեմ կրկնում, որովհետև անհամեստ կհնչի (կասեմ թոշակի անցնելուց հետո, մեծ տարիքում, երբ արդեն վարչապետ չի լինի):
Բայց ինչ եմ ուզում ասել. տեղական մակարդակի վերոնշյալ լեգենդների ընկերակցությունը անարդար է, անտեղի և նախորդ երեքի համար չափազանց մեծ հաճոյախոսություն, որը նրանք չեն վաստակել։
Ու բացի այդ, եթե այսպես շարունակվի, առաջիկա 16 դարն էլ կմնանք 21-րդ դարի 2018-2020 թվականների մեջ»։