«Բարսելոնան» ներկայացրել է չորրորդ մարզաշապիկը` նվիրված «Ռեալ Մադրիդի»-ին ջախջախելու 20-ամյակին

Կատալոնական «Բարսելոնա» ակումբը ներկայացրել է ընթացիկ մրցաշրջանի իր չորրորդ մարզաշապիկը։ Այն նվիրված է 2005 թվականին «Ռեալ Մադրիդի»-ն «Սանտիագո Բեռնաբեուում» ջախջախելուն:

«Բարսելոնայի» տեխնիկական հովանավորը հայտնի ամերիկյան Nike ընկերությունն է։

«Կապտանռնավունների» մամուլի հաղորդագրության մեջ նշվում է, որ չորրորդ մարզաշապիկը «հիշեցնում է 2005 թվականի նոյեմբերի 19-ին «Ռեալ Մադրիդի» նկատմամբ տարած արտագնա հաղթանակը»։ Այդ խաղում «Բարսելոնան» հաղթել է 3-0 հաշվով, որտեղ գոլերը խփել են Սամուել Էտո'ոն և Ռոնալդինյոն. վերջինը դուբլ է գրանցել։

Հարկ է նշել, որ Լա Լիգայի այս մրցաշրջանի 10-րդ տուրում «Ռեալ Մադրիդ»-ը տանը հաղթել է «Բարսելոնային» 2:1 հաշվով։