350,000 լիտր մաքսանենգ վառելիք տեղափոխող նավը Իրանի կողմից կալանվել է

179

Այսօր, 17:56

Իրանի Իսլամական հեղափոխության պահապանների կորպուսը (ԻՀՊԿ) հայտնել է Հորմուզի նեղուցում «մաքսանենգ վառելիք» տեղափոխող տանկերի առգրավման մասին։ Նավը նավարկում էր Էսվատինիի (նախկինում՝ Սվազիլենդ) դրոշի ներքո, հաղորդում են իսրայելական լրատվամիջոցները։

«Գործողությունից հետո 350,000 լիտր մաքսանենգ վառելիք տեղափոխող նավը ուղարկվել է Բուշերի նավահանգիստ։ Նավում եղել են անձնակազմի 13 անդամներ՝ Հնդկաստանի և Իրանի հարևան երկրներից մեկի քաղաքացիներ»,- ասվում է հայտարարության մեջ։

Նոյեմբերի 14-ին ԻՀՊԿ-ն առգրավել է ԱՄԷ-ից Սինգապուր ուղևորվող նավթատար նավ՝ Մարշալյան կղզիների դրոշի ներքո։ Իրանը պնդել է, որ այն տեղափոխում է չարտոնված բեռ։ Տանկերը և նրա անձնակազմը մի քանի օր անց ազատ են արձակվել։