Ուրբաթ, 16 հունվարի, 2026 թ.
|
Ստեփանակերտում`   -2 °C

Ծեծկռտուք՝ Բյուրեղավանի դպրոցում․ 14-ամյա տղաներ են տեղափոխվել հիվանդանոց

Ծեծկռտուք՝ Բյուրեղավանի դպրոցում․ 14-ամյա տղաներ են տեղափոխվել հիվանդանոց
587
Շաբաթ, 13 դեկտեմբերի, 2025 թ., 12:30

Դեկտեմբերի 9-ին վիճաբանություն և ծեծկռտուք է տեղի ունեցել Կոտայքի մարզում։ Ժամը 20։10-ի սահմաններում ՆԳՆ տեղեկություն է ստացվել, որ Բյուրեղավան քաղաքի Սամվել Վարդանյանի անվան ավագ դպրոցում համադասարանցիների կողմից ծեծի ենթարկվելու հետևանքով «աջ 5-րդ մետակարպալ ոսկրի դիստալ մետաֆիզի կոտրվածք տեղաշարժով» ախտորոշմամբ ծնողի ուղեկցությամբ «Աբովյան» բժշկական կենտրոն բուժօգնության է տեղափոխվել մի երեխա, իսկ ժամեր անց նույն վայրից համադասարանցիների կողմից ծեծի ենթարկվելու հետևանքով «ուղեղի ցնցում հարցականով» ախտորոշմամբ ծնողի ուղեկցությամբ բուժօգնության է դիմել ևս մեկ երեխա։ Ինչպես հայտնում է Գագիկ Շամշյանը, պարզվել է, որ բուժօգնության տեղափոխվածներն են Կոտայքի մարզի բնակիչներ 14-ամյա Ռ․ Ճ-ն և 14-ամյա Ա․ Չ-ն։ Ոստիկանները պարզել են, որ նույն օրը ժամը 18։30-ի սահմաններում Ռ․ Ճ-ն և Ա․ Չ-ն վերը նշված դպրոցում վարագույր կախելու հարցի շուրջ վիճաբանել են, որից հետո հարվածներ են հասցրել միմյանց՝ պատճառելով մարմնական վնասվածքներ։ Դեպքի փաստով ոստիկանության Կոտայքի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Կոտայքի մարզային քննչական վարչության Աբովյանի քննչական բաժին։