«Կոնկրետ չեն ասել՝ ինչ դրվագով է Գագիկ Ծառուկյանը կանչվել հարցաքննության»․ Երեմ Սարգսյան

«Կոնկրետ չեն ասել՝ ինչ դրվագով է Գագիկ Ծառուկյանը կանչվել հարցաքննության, տեղեկացրել են, որ լրացուցիչ հարցաքննություն պետք է տեղի ունենա»,- ՔԿ տնտեսական հանցագործությունների և մաքսանենգությունների քննության գլխավոր վարչության դիմաց լրագրողներին հայտնեց փաստաբան Երեմ Սարգսյանը։
Լրագրողները հետաքրքրվեցին նաև Ծառուկյանի կալանքի դեմ վերաքննիչ բողոքի ընթացքից։ «Այս պահին նորություն չկա, երևի մեկ-երկու օրում կտեղեկանանք, թե ում է մակագրվել գործը, երբ և ինչպես է քննվելու»,- նշեց փաստաբան Էմին Խաչատրյանը։

Ավելի վաղ հայտնել էինք, որ ԲՀԿ առաջնորդը ՔԿ տնտեսական հանցագործությունների և մաքսանենգությունների քննության գլխավոր վարչությունում հարցաքննության է մասնակցելու։