Գորտի աղիքներում հայտնաբերվել է քաղցկեղի դեմ պայքարի հզոր միջոց

Գիտնականները ճապոնական ծառագորտի աղիքային միկրոֆլորայում հայտնաբերել են անսպասելիորեն արդյունավետ հակաքաղցկեղային միջոց: Մկների վրա կատարված փորձերի արդյունքում մեկ բակտերիալ շտամը լիովին վերացրել է ուռուցքները և կանխել դրանց կրկնությունը՝ առանց էական կողմնակի ազդեցությունների: Ուսումնասիրությունը հրապարակվել է «Gut Microbes» ամսագրում:

Հետազոտողները հիմք են ընդունել այն դիտարկումը, որ երկկենցաղներն ու սողունները չափազանց հազվադեպ են հիվանդանում քաղցկեղով։ Նրանք փորձարկել են գորտերից, տրիտոններից և մողեսներից առանձնացված բակտերիաների 45 շտամ և հայտնաբերել են մի քանի շտամ՝ հակաուռուցքային ակտիվությամբ։ Ամենաարդյունավետը եղել է Ewingella americana շտամը՝ ճապոնական ծառագորտի աղիքներից. մեկ դեղաչափը հանգեցրել է մկների մոտ ուռուցքների լիակատար անհետացմանը:

Վերլուծությունը ցույց է տվել, որ մանրէները միաժամանակ գործում են երկու ձևով՝ անմիջականորեն վնասելով ուռուցքային հյուսվածքը և միաժամանակ ակտիվացնելով իմունային համակարգը։