Կիրակի, 31 մայիսի, 2026 թ.
|
Ստեփանակերտում`   +12 °C

«Հայաստանը երբեք չի ունենա այլ գազ, ռուսական գազից բացի». Օվերչուկ

«Հայաստանը երբեք չի ունենա այլ գազ, ռուսական գազից բացի». Օվերչուկ
41
Այսօր, 22:59

Հայաստանը երբեք չի ունենա ռուսական գազից բացի այլ գազ, և շուկայական գներով մատակարարման իրավիճակը կարող է շատ դժվար լինել։ Այս մասին «Վեստի» հեռուստաալիքի եթերում հայտարարել է Ռուսաստանի փոխվարչապետ Ալեքսեյ Օվերչուկը։ «Մենք շատ լավ ծանոթ ենք գազի շուկայում տիրող իրավիճակին։ Այնտեղ երբեք չի լինի ռուսականից բացի այլ գազ,- ասել է Օվերչուկը,- միակ հարցն այն է, թե որտեղից է Հայաստանը ստանալու իր ռուսական գազը և որ միջնորդին է վճարելու»։

«Իրավիճակը Հայաստանում շատ դժվար կլինի։ Եվ մենք դա չենք ուզում», - նշել է փոխվարչապետը։

Ըստ նրա՝ Եվրոպան շարունակում է ստանալ ռուսական գազ։ «Այնպես որ, նրանք պարզապես պետք է նայեն քարտեզին։ Նայեք ներկայում գործող խողովակաշարերին, և նրանք անմիջապես կտեսնեն, թե որտեղից են ստանալու իրենց ռուսական գազը», - նշել է Օվերչուկը։ «Դե, իհարկե, հաշվի առնելով 30% արտահանման տուրքը, հաշվի առնելով, որ դա կլինի շուկայական գինը, և հաշվի առնելով, որ միջնորդները նույնպես կցանկանան ստանալ իրենց շահույթի բաժինը»։