«Այսօր ձեր սիրտը հովացնող հացն ու խրախճանքը շատ թանկ գին է ունենալու». Նինա Կարապետյանց

Իրավապաշտպան Նինա Կարապետյանցը ֆեյսբուքյան իր էջում գրել է․ «Հաց և խրախճանք
Ամենաշատը ապշում եմ էն մարդկանց վրա, ովքեր ժամանակին անձամբ/կամ իրենց համախոհները ենթարկվել են բռնաճնշումների, ու հիմա արդարացնում են իշխանությունների հակաիրավական և անմարդկային վարքը։
Ես չեմ առաջարկում սիրել նրանց, ովքեր հանցավոր ռեժիմների մաս են կազմել, բայց կարելի ա չէ՞ փորձել մարդկային կերպարանքը չկորցնել ...
Մի սնեք հանցավոր ռեժիմին, այլապես նրանք մի օր կթակեն նաև ձեր դուռը։
Մի հայհոյեք իրավապաշտպաններին, ձեզ համար մերժելի մարդկանց իրավունքները պաշտպանելու համար, այլապես վաղը չեն լինի նրանք, ովքեր կպաշտպանեն/կռիվ կտան ձեր և ձեր հարազատների խախտված իրավունքների համար։
Այսօր ձեր սիրտը հովացնող հացն ու խրախճանքը շատ թանկ գին ա ունենալու»: