Ուրբաթ, 04 սեպտեմբերի, 2026 թ.
|
Ստեփանակերտում`   +24 °C

Վրաստանում ձերբակալվել է Թուրքիայի կողմից հետախուզվող 22 անձ

Վրաստանում ձերբակալվել է Թուրքիայի կողմից հետախուզվող 22 անձ
112
Երեկ, 19:24

Թուրքիայի ներքին գործերի նախարար Մուստաֆա Չիֆթչին Վրաստան կատարած այցի ընթացքում Թբիլիսիում գտնվող Թուրքիայի դեսպանատանը հանդիպել է մամուլի ներկայացուցիչների հետ։ Նա նշել է, որ Վրաստանի հետ համատեղ գործողության ընթացքում ձերբակալվել է Ինտերպոլի կարմիր ծանուցագրով հետախուզվող 22 անձ։

Նրա նշմամբ՝ 22 անձանցից 11-ն արտահանձվել են, իսկ մյուսները ներկայումս բանտում են այստեղ կատարած հանցագործությունների համար: Նրանք ևս պատիժը կրելուց հետո կարտահանձնվեն:

Չիֆթչին հիշեցրել է, որ Վրաստանի ներքին գործերի նախարարությունն արտահանձնել է ընդհանուր առմամբ 866 անձ, որից միայն 438-ն արտահանձվել են այս տարի: Նախարարը նաև կարևորել է Վրաստանի ներքին գործերի նախարարության հետ կապերի հետագա ընդլայնումը սահմանային հանցագործությունների, թմրանյութերի, անկանոն միգրացիայի և հասարակական կարգի հանցագործությունների դեմ պայքարում։