«Երևանում տներ վարձով տվողները ապուշ քարոզչության ներքո սպասում են հոկտեմբեր ամսին ռուս դասալիքների մեծ ալիքին». Նարեկ Մալյան

Հասարակական գործիչ Նարեկ Մալյանի ֆեյսբուքյան գրառումը․ «Հիմա ձեզ պատմեմ մի զավեշտալի պատմություն, թե ինչպես ՌԴ դումայի ընտրությունների քարոզարշավի պատճառով Երևանում անկապ թանկացան վարձով տները:
Արդեն որերորդ դեպքը լսեցի, որ ԱՄՆ-ում կամ Եվրոպայում ապրող, բայց Երևանում տուն ձեռքբերած ու վարձով տվող մեր հայրենակիցները ինչ-որ անհասկանալի ոգևորությամբ տարածում են լուրեր, որ հոկտեմբեր ամսին ՌԴ-ում լայնամասշտաբ զորահավաք է լինելու և այդ զորահավաքից փախած հարյուր հազարավոր ռուսները գալու են Երևան ու վարձով տուն են փնտրելու:
Իրականությունը հետևյալն է՝ ՌԴ-ում հոկտեմբերին զորահավաքի մասին լուրերը մոգոնել ու տարածում են լիբերալ-ֆաշիստները, իրենց ԶԼՄ-ներով (օրինակ Дождь): Սրանց նպատակը ռուսների մեջ խուճապ տարածելով սեպտեմբերի 20-ի ընտրություններին իշխանության ձայները պակասեցնելն է: Նույն կերպ նիկոլը սպառնում էր իրեն չընտրելու դեպքում սեպտեմբերին պատերազմով:
Ինչևէ, Երևանում տներ վարձով տվող մեր սփյուռքահայ բարեկամները, որոնց համար արևմտյան ԶԼՄ-ները հավաստի աղբյուր են, այդ ապուշ քարոզչության զանգվածային փսիխոզի ազդեցության ներքո նստած սպասում են հոկտեմբեր ամսին ռուս դասալիքների մեծ ալիքին՝ մտքում հաշվելով ակնկալվող աստղաբաշխական եկամուտները:
Իրականությունն այն է, որ սեպտեմբերի 20-ին լիբերալները Դումա չեն անցնելու: ՍՍՀՄ փլուզումից հետո առաջին անգամ ռուսական պառլամենտը կլինի առանց լիբերալ ուժերի:
Հոկտեմբերին ռուս դասալիքների միգրացիա չի լինելու:
Իսկ մեր ագահ հայրենակիցները իրենց՝ այսօր ազատած տները վարձով տալու խնդիր են ունենալու:
Ի դեպ, էս միֆը փչելու նպատակով նույն ԶԼՄ-ները Ալեն Սիմոնյանից հարցազրույց վերցրեցին ու հարց տվեցին, թե Հայաստանում լավ կընդունե՞ն հոկտեմբերին հորինված զորահավաքից փախած ռուսներին:
Ալենն էլ գլուխը տմբտմբացնելով ասեց «գրկաբաց»:
Էդ հարցազրույցի ամբողջ իմաստը էդ մի հարցն էր»: