«Բավական է՝ մարդ պաշտոն ունենա, սկսվում են քծնանքի զզվելի դրսևորումները»․ Մեսրոպ Եսայան

«Տավուշը հանուն հայրենիքի» շարժման մասնակից Մեսրոպ Եսայանը ֆեյսբուքյան իր էջում գրել է․ «Հայաստանում պաշտոնի պաշտամունքը վաղուց արդեն առանձին մշակույթ է դարձել։
Շատ էլ կարևոր չէ, թե ինչ պաշտոն է զբաղեցնում մարդը․ բավական է, որ պաշտոն ունենա և սկսվում են մասշտաբային քծնանքի զզվելի դրսևորումները։
Մարդիկ հանկարծ հիշում են, որ ուզում էին հենց այդ մարդու հետ ծանոթանալ, սեղանի շուրջ նստել, ինչ-որ բան նվիրել, գովել, բարևել, լուսանկարվել ու, ընդհանրապես, հնարավորինս մոտ գտնվել նրան։
Նկարագրված վիճակը, բնականաբար, շարունակվում է այնքան ժամանակ, մինչև տվյալ պաշտոնյան զրկվում է պաշտոնից։ Ու նույն պահից էլ քծնանքի ու կեղծիքի տեսարաններն դադարում են անմիջապես։
Ի դեպ, սա պատճառներից մեկն է, որ Հայաստանում մարդիկ այդքան կպած են իրենց աթոռներին և վայելեն քծննաքի տարատեսակ դրսևորումները»։