Շաբաթ, 20 դեկտեմբերի, 2025 թ.
|
Ստեփանակերտում`   +6 °C

«Միջանցքներում, դահլիճներում սառնամանիք է». բաց նամակ՝ Արայիկ Հարությունյանին

«Միջանցքներում, դահլիճներում սառնամանիք է». բաց նամակ՝ Արայիկ Հարությունյանին
1361
Ուրբաթ, 23 նոյեմբերի, 2018 թ., 14:40

«Հայց» փաստաբանական գրասենյակի փոխտնօրեն, հանրային կապերի պատասխանատու Թամար Միրզոյանը ֆեյսբուքյան իր էջում գրել է. «Հարգելի Արայիկ Հարությունյան, ՀՀ կրթության և գիտության նախարարություն, Ձեր ուշադրությունն եմ հրավիրում Տավուշի մարզի սահմանապահ Վազաշեն գյուղի դպրոցի վրա: Այն չի ջեռուցվում, մի քանի դասարան տաքացվում է փայտի վառարաններով, միջանցքներում, դահլիճներում սառնամանիք է: 21-րդ դարի հայաստանյան այս դպրոցն ինձ հիշեցնում է 90-ականների երևանյան մեր դպրոցները, ուր նույն վիճակն էր՝ հայտնի պատճառներով: Որպես ՀՀ քաղաքացի խնդրում եմ քայլեր ձեռնարկել այս խնդիրը լուծելու ուղղությամբ: Վազաշենի դպրոցականների ուսումնական պրոցեսն առանց այդ էլ առանց ցնցումների չի անցնում, քանի որ դպրոցը գտնվում է թշնամու ուղիղ կրակի տակ: Եկեք գոնե մնացած առումներով թեթևացնենք նրանց դպրոցական կյանքը: Հուսով եմ, որ Ձեր արձագանքը չի ուշանա»:

Կարդացե՛ք նաև