«Արցախի բոլոր խորհրդանիշները պետք է կիրառության մեջ լինեն». Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան իր էջում գրել է. «Արցախի Հանրապետության պետական ինքնիշխանության բոլոր խորհրդանիշները՝ դրոշը, օրհներգը և զինանշանը պետք է կիրառության մեջ լինեն ու, որպես այդպիսիք, հարգվեն այնքան ժամանակ, քանի դեռ Արցախի Հանրապետության միավորումը Հայաստանի Հանրապետությանն ու վերջինիս անքակտելի մասը կազմելու վերաբերյալ իրական իրավական ուժ ունեցող պետական ակտերը չեն ընդունվել ու չեն հաստատվել համապատասխան հայկական պետական կառույցների կողմից: Մինչ այդ պահը Արցախի Հանրապետության պետական ինքնիշխանության խորհրդանիշներն անտեսելու հորդորները նույնական են այս հարցում Ադրբեջանի պաշտոնական մոտեցումներին»: