Աշխարհում մշակվում է կորոնավիրուսի դեմ 141 պատվաստանյութ․ ԱՀԿ

2619

Հինգշաբթի, 02 հուլիսի, 2020 թ., 17:40

Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադհանոմ Գեբրեյեսուսը The Washington Post-ին տված հարցազրույցում հայտարարել է, որ ամբողջ աշխարհում այժմ մշակվում է կորոնավիրուսի դեմ 141 պատվաստանյութ։ ԱՀԿ-ի գլխավոր տնօրենը նշել է, որ պատվաստանյութերի մշակումը սկսվել է հենց այն պահից, երբ համացանցում հայտնվել են կորոնավիրուսի մասին տեղեկությունները։ Նրա կարծիքով՝ համավարակը ցույց տվեց, թե ինչպիսի համագործակցության կարիք ունի միջազգային հանրությունը՝ առողջապահական ճգնաժամի լուծման հարցում։