Աշխարհում #COVID_19-ի դեպքերի թիվը գերազանցել է 168 միլիոնը

1512

Հինգշաբթի, 27 մայիսի, 2021 թ., 11:50

Աշխարհում COVID-19 վարակի գրանցված դեպքերի թիվը հինգշաբթի՝ առավոտյան, կազմել է 168 197 107, հաղորդում է Ջոնս Հոփքկինսի համալսարանը:
Վիրուսի տարածման սկզբից ի վեր՝ կորոնավիրուսի հետ կապված հիվանդություններից մահացած մարդկանց թիվը հասել է 3 494 593-ի:
COVID-19-ի ավելի քան 10 միլիոն դեպք ունեցող երկրների թվում են ԱՄՆ-ը, Հնդկաստանն ու Բրազիլիան:
Վարակվածների և մահացածների մեծ մասն ԱՄՆ-ում է, որտեղ հայտնաբերվել է 33 190 161 վարակակիր, իսկ մահացածների թիվը հասել է 591 947-ի:
Վարակվածների թվով 2-րդ տեղը զբաղեցնում է Հնդկաստանը, որտեղ COVID-19-ի հաստատված դեպքերի թիվը հասել է 27 157 795-ի, իսկ մահացածների ընդհանուր թիվը կազմել է 311 388:
Վարակվածների թվով աշխարհում 3-րդ տեղում Բրազիլիան է, որտեղ համավարակի ընթացքում գրանցվել է 16 274 695 հիվանդ, նրանցից մահացել է 454 429-ը: