«Մի՛ լռեք, մեր երեխաների ապագան վտանգված է». Նարինե Բաղդասարյան

«Սատտվա Յոգա Ստուդիոյի» հիմնադիր տնօրեն, յոգայի ուսուցիչ Նարինե Բաղդասարյանը ֆեյսբուքյան իր էջում գրել է. «Լավ ձեր ուզածն ի՞նչ է վերջապես...
Գիտեմ, պատասխանը՝ վերացնել հայ ազգը։ Ինչպե՞ս, դե դուք ձևը շատ լավ գիտեք և դա անում եք։
Ուզում ես հաղթել թշնամուդ՝ դաստիարակիր նրա երեխային, և վստահ եղիր, որ կհաղթես։ Ի՞նչ իրավունք ունի Չմանկավարժը (բառի վրա չֆիքսվել, բառից չկախվել, նոր հորինեցի), դպրոցում աշխատելու։ Ուսուցիչ չկա՞ էլ աշխատող, բա որտեղից լինի, ուսուցչի աշխատավարձը ամենաբարձրը պիտի լինի, բայց ամենացածրն է: Ուսուցչին այսօր տեղ չեն տալիս այս երկրում, միայն իրենք իրենց են պարգևատրում և ուրախանում, չգիտես ինչի համար։
Վերջն իրոք որ եկել է։ Նույնիսկ մանկավաժից է շատ մեծ ջանքեր պահանջվում երեխային ճիշտ ուղու վրա դնելու համար, առանց այդ կրթության մարդն ի՞նչ է անելու երեխայի հետ։ Քանդելու է երեխայի աշխարհը, որովհետև մանկավարժությունը սեր ու նվիրում է, ոչ թե հաստիքով աշխատանք։
Ժողովուրդ, սա ողբերգություն է։ Ահա, թե որտեղից է ծնվում պատերազմը։ Ներսի քանդողից։ Դրսինն իր վայրագություններն արել է ու կանի, բայց, որ վայրագությունը ներսում է, դա շատ մեծ ցավ է։
Փրկենք մեր երեխաներին։ Բարձրաձայնենք խնդիրը։ Մի՛ լռեք։ Մեր երեխաների ապագան վտանգված է»։