Տոկիոյում մեկնարկել է Օլիմպիական խաղերի բացման արարողությունը. ՈՒՂԻՂ ՄԻԱՑՈՒՄ

1165

Ուրբաթ, 23 հուլիսի, 2021 թ., 15:46

Օլիմպիական խաղերի բացման հանդիսավոր արարողությունը սկսվել է Տոկիոյի Ազգային մարզադաշտում:
Կորոնավիրուսային սահմանափակումների հետ կապված՝ ներկա է միայն 950 պաշտոնատար անձ։
Մարզական ամենասպասված մրցումները պետք է կայանային դեռևս անցյալ տարի, սակայն Միջազգային օլիմպիական կոմիտեն ստիպված եղավ դրանք տեղափոխել: Խաղերն այս տարի կանցկացնեն սահմանափակումներով և կտևեն մինչև օգոստոսի 8-ը:

Մարզաշխարհի գլխավոր ստուգատեսում Հայաստանը ներկայացնելու է 17 մարզիկ, որոնք մեդալների համար կպայքարեն 8 մարզաձևում՝ ըմբշամարտ, բռնցքամարտ, ծանրամարտ, ձյուդո, լող, աթլետիկա, սպորտային մարմնամարզություն, հրաձգություն: