Երկուշաբթի, 20 ապրիլի, 2026 թ.
|
Ստեփանակերտում`   +8 °C

Այսօրվանից մինչև սեպտեմբերի 4-ը Վրաստանում կգործեն կորոնավիրուսի դեմ ուղղված լրացուցիչ սահմանափակումներ

Այսօրվանից մինչև սեպտեմբերի 4-ը Վրաստանում կգործեն կորոնավիրուսի դեմ ուղղված լրացուցիչ սահմանափակումներ
1289
Շաբաթ, 14 օգոստոսի, 2021 թ., 13:36

Միջգերատեսչական համակարգող խորհրդի որոշման համաձայն՝ այսօրվանից Վրաստանում ուժի մեջ են մտել կորոնավիրուսի դեմ ուղղված լրացուցիչ սահմանափակումներ, որոնք կպահպանվեն մինչև սեպտեմբերի 4 -ը: Այս մասին հայտնում է 1tv.ge-ն։

Կդադարեցվի հասարակական տրանսպորտի շարժը: Սահմանափակումը չի տարածվի միջքաղաքային տրանսպորտի վրա։

Կարգելվեն փառատոները, տարբեր ժամանցները, համերգներն ու սպորտային միջոցառումները՝ բացառությամբ միջազգային հովանու ներքո անցկացվող սպորտային միջոցառումների։

Մանկական ժամանցի կենտրոնները չեն աշխատի։ Սննդի օբյեկտները (սրճարաններ, ռեստորաններ և այլն) բաց կլինեն մինչև 23:00-ը:

Գործող կանոնակարգերի կիրառման նկատմամբ վերահսկողությունը հնարավորինս խստացված է, ներառյալ հարսանիքների, հոգեհացի և հասարակական այլ միջոցառումների անցկացումը, որոնց դեպքում օբյեկտները կտուգանվեն10 հազար լարիով, իսկ խախտումը կրկնելու դեպքում ենթակա կլինեն փակման: