«Երևանը պատրաստ է վերսկսել Ղարաբաղի շուրջ բանակցությունները Բաքվի հետ». Միրզոյանի հարցազրույցը #Ria-ին

1288

Չորեքշաբթի, 01 սեպտեմբերի, 2021 թ., 20:06

Ria-ի հետ զրույցում Հայաստանի արտգործնախարար Արարատ Միրզոյանը հայտարարել է, որ Երևանը պատրաստ է վերսկսել ղարաբաղյան հակամարտության կարգավորման շուրջ բանակցությունները Բաքվի հետ իրավահավասարության և ուժի չկիրառման հիման վրա:

«Հայաստանի Հանրապետությունը քանիցս բարձր մակարդակով հայտարարել է, որ պատրաստ է ղարաբաղյան խաղաղ գործընթացի վերսկսմանը՝ լավ հայտնի սկզբունքների հիման վրա, այսինքն՝ ուժի կամ ուժի սպառնալիքի չկիրառում, ժողովուրդների իրավահավասարություն և ինքնորոշում և տարածքային ամբողջականություն: Նոյեմբերի 9-ի եռակողմ հայտարարության ստորագրումից հետո համանախագահները մի շարք հայտարարություններ են արել։ Հայկական կողմը ողջունել է այդ հայտարարությունները՝ համարելով, որ դրանք տարածաշրջանում խաղաղության ճանապարհային քարտեզ են: Ադրբեջանը չի կատարում հրադադարի մասին համաձայնագիրը, ինչի ապացույցն է նախ և առաջ բոլոր ռազմագերիների և այլ պահված անձանց անհապաղ վերադարձի չիրականացումը»։

Նախարարը նաև մեղադրել է Բաքվին Հայաստանի տարածք ներխուժելու ու տարածքային կեղծ պահանջներ ներքաշելու համար:

«Հայկական կողմը հետևողականորեն առաջ է մղելու Արցախի ժողովրդի ինքնորոշման իրավունքի իրացումը, իր հայրենիքում ազատ և արժանապատիվ ապրելու իրավունքը», - ընդգծել է Միրզոյանը: