Հինգշաբթի, 06 նոյեմբերի, 2025 թ.
|
Ստեփանակերտում`   +8 °C

Կառավարությունը պատժիչ գործողություններ կսկսի. «Հրապարակ»

Կառավարությունը պատժիչ գործողություններ կսկսի. «Հրապարակ»
1167
Ուրբաթ, 08 հոկտեմբերի, 2021 թ., 09:30

«Հրապարակ»-ը գրում է. «Կառավարության երեկվա նիստում կրկին խոսվեց պատվաստումների և համավարակի թեմայով, Նիկոլ Փաշինյանն անգամ նախատեց նախարարին՝ վատ աշխատանքի և պատվաստումների դանդաղելու համար, և ուժայիններին էլ հանձնարարեց՝ զբաղվել պատվաստումների դեմ հակաքարոզչություն անողներով։

Մեր տեղեկություններով, Նիկոլ Փաշինյանը կառավարության նիստից հետո այս թեմայով նաև փակ խորհրդակցություն է հրավիրել և հանդիմանել Անահիտ Ավանեսյանին՝ ասելով, որ հնարամիտ եղանակներ մտածի ու վերահսկի ոլորտը: Նաև հանձնարարականներ է տվել ուժային կառույցներին ու տեսչական մարմիններին՝ ստուգայցեր կազմակերպել բուժհաստատություններ, նաև՝ քաղաքացիական հագուստով ու հակապատվաստումային քարոզ իրականացնող բուժաշխատողներին բերման ենթարկել և պատասխանատվության ենթարկել։

Երեկվանից իշխանական մամուլն էլ է գործի դրվել՝ տեղեկություններ են հրապարակում սկսվող ստուգումների, պատժիչ գործողությունների և չպատվաստվածների դեպքում քովիդի բուժումը վճարովի դարձնելու մասին: Անգամ թվեր են նշում՝ մեկ անձի բուժումը 800 հազար դրամ կարժենա»:

Մանրամասները՝ թերթի համարում:

Կարդացե՛ք նաև